Malungkot na Balita mula sa Cuenca
Umuwi ako kahapon sa Cuenca para magbaklay sumilip sa burol ng kababata ko na namatay dahil nakuryente. Sa Batangas Electric Cooperative (Batelec) siya nagtatrabaho at nasa field sya ng maganap ang aksidente. Nakakalungkot.
Gaya ng nakagawian ko na, tuwing may pagkakataon ay nadaan ako sa palenge para bumili ng kalamay at suman.
Doon ko nalaman na nagkakagulo pala ngayon doon sa Cuenca Public Market dahil sa nakaambang demolisyon at pagsasapribado ng pamilihang bayan.
Napapalamutian ngayon ang paligid ng palengke ng mga placards at banner na may mensahe ng pagtutol sa hakbang ng Pamahalaang Bayan ng Cuenca. Balita ko pa nga ay may nakasampa nang reklamo sa Ombudsman.
Sa mga taga Cuenca riyan, ano gang masasabi nyo dito?
12 comments:
bias naman pinsan kung ako lang magsasalita pero dahil nasisira na angkan ng dahil diyan sa palengke na ang nais laaang naman ng naka upo eh iaayos dahil sa dami na ng violation nito. ang tutotoo ay talagang makakasuhana na si mayor dahil nga sa sanitation nito ay bagsak, fire hazard na din etc. ay saan mo ilalagay ang mayor? sa totoo lang dapat sana'y di na makakakuha ng kaakibat na pribado ang munisipyo ng cuenca kung hindi lang napulitika. nakakuha sana ng budget dun sa isang tatakbong pangulo sa darating na halalan sa 2010, pero dahil sa pulitak duon sa national ay di ito natuloy.
ang pagpatayo ng palengke ay naka pattern sa nais ng gobyerno na kahati ang pribado sa pagpapatakbo o namuhunan dito at hindi sa ikinakalat ng tumututol dito (potah ang masakit na kamag anak pa mismo ang sumisira sa kadugo niya na ang nais lang niyang igiit ang personal nyang interest! hoy alam mo kung sino ka pati kapatid mo mapapatay mo na sa kakagiit mo ng gusto mo!) na solidong pribado ang pagtakbo. Di ka ga nahahabag at nangdadamay ka pa iba na ala naman kinalaman dine???!! sasabihin mo ala kang utang na loob kahit kanino??!! kilabutan ka naman!! nagkakakababae ka pa naman di ka na nahiya! May umikot ngang kwento na nagpapayaman si mayor! ahhahahaha wish nya lang di naman lingid sa iba na may pera din ang mayor pero tungkol sa sahod nito bilang alkade ay di nman niya napapakinabangan at napupunta sa mga taga cuenca ng may kailangan. ay nun tanungin ko nga insan yun isang malapit tungkol sa umiikot na balita eh, nagbenta pa nga raw si mayor ng dalawang lupa ay panong nagpapayaman?!!
isa pa, panay ang tanong nun ex mayor nun publik hearing ng kung ano ano na paulet ulet kayat ng siya ay sinagot ng "alam mo ga, tatlong termino ka sinuportahan ng angkan ko, di mo ginawa ang palengke, ngayon iaayos ko ang lahat ay bakit hindi mo ko supportahan bagkus isa ka pa sa pasimuno ng mga kalokohan" hay. . . pagkatapos ay ikakalat mo na dinuduro ka nun publik hearing?!! ay lintek kung gusto mo ng gulo sige dumale ka n ng gusto mo!! nakakalungkot na na brainwash na yata ng tuluyan ang mga andito sa cuenca eh. hmm naiisip ko na tuloy na tuwang tuwa yun isang nagpupumulit na makaupo sa cuenca na bigla na laang sumulpot dito sa aming bayan at gusto magpatakbo n syang dahilan kung bakit nasubo ang ang isang ka angkan ko labanan siya!! malapit na ang eleksyon sayang naman ang palengke kung ito'y mabibitin. sanay lumawak ang kamalayan ng taga cuenca! alam mo ga insan may presyo na daw sa NPA ang ulo ni mayor sa cuenca eh! pambihira bakit kelangan umabot dito? kung paano mo nakilala si mayor pinsan, para sa akin di pa sya nag bago. napapalaki lang ang issue at nasiraan na sa taga cuenca na syang siguradong sasamanatlahin ng ibang pulitko.
^ Hala, mukha talagang malalim na ang isyung ito ah. May mga gay-un na palang kwento. Pag nakauwi ulit ako, maghahagilap ako ng dokumento tungkol sa plano sa palengke. Hirap kasi panghawakan yung sabi-sabi ng mga tutul dito eh. :-)
Di ka ga uuwi? Si Osep yung tukoy ko. alam mo na ga?
Umuwi ako nun sat ng gbi nkasilip din ako kay usep. Malungkot n balita nga dahil may mga naulila.
Yun tungkol s palengke, masalimuot eto bago naiayos at s legal n paraan. Ngayn aprub n lahat ng papel ay ok n para simulan subalit may iilan lang naman ang tutol. Pati nga nde taga cuenca na hakot s pagprotesta ay naanduon daw pag may rally. Hehe ay ang latest n sex video nkarating n ga s iyo!? Hahaha pag nka online ako pm kita!
Yun gang Bungahan Scandal? hahaha!
hahaha may kopya ka ga? ilalathala mo din ga iyon dine? hihihihi
Ano ga sa iskandal na napunta. Mga kabayan kapag documento madali naman makuha yan. Hingi lang tayo ng diretsa makaka kuha tayo. Di naman kase sikreto yung proyektong yuon. Ang gusto pa nga ay malaman ng mga tao. Isa lang ang dahilan niyan kung bakit pribado. WALANG PERA ANG MINISIPYO.
my sympathy goes to the people of cuenca,d ako taga batangas pero napamahal na sa akin kc taga taysan ang minahal ko sana di xa mabitin sa ginigawa nyang linya ng kuryente,jowk...naway matapos na ang bangayan poh..tulungan na lang po sana
mga kabayan, ano na gang latest tungkol sa palengke natin? huli akong umuwi noong july 11... napansin ko na naka-ayos na ayung pansamantalang paglilipatan. nakahilera dun sa papuntantang munisipyo. natuloy na ga ang paglipat?
para sa akin, dapat lang na mabago na yung palengke. pero dahil nga sa mga sulsol ng kung sinu-sino, magkakamag-anak at magkaka-ibigan na ang nagkakabanggaan. parehong malapit sa pamilya namin yung dating mayor (kamaganak ni tatay) at yung naka-upong mayor (ninong sa binyag at sa kasal ng ate) kaya medyo mahirap din para sa amin yung usapin na yaon. ang payo ko na lamang sa amin eh kung saan mas madami ang makikinabang... sa makakabuti sa mas nakararami.
nagkataon din na mayroong motorcade ng mga "pro" nuong huli kong uwi... nakakatuwa naman na madami ang sumusuporta.
talagang nakaka annie (kadiri!) na yaang palengke na yaan! kaya para sa akin dapat ng maipagawa yaan sa lalong madaling panahon!
good evening mr. apol apuntar.. kung pwede po sana malaman kung saan kau sa cuenca??? taga duon ho kasi ang pamilya nmn.. cuevas at marasigan at lopez po...thank u..
riza
Totoo po na dapat na ring maipagawa ang palengke ng Cuenca at hindi naman tumututol dito ang mga manininda. Ngunit ang gusto ng mayor ay gawing pribado ito na ang papasan naman napakalaking proyekto na ito ay ang mga manininda at mamimili sa Cuenca.
Kung pagbabasehan ang huling kontrata na napirmahan ni mayor sa Ithiel corporation ay halos magiging empleyado na lamang ang mga manininda dahil Ithiel ang magbabagsak ng mga paninda tulad ng isda, karne, gulay at prutas. Papatayin nito ang mga lokal na produkto na dala ng mga magsasaka at mangingisda ng Cuenca.
Bukod sa malaking bayad sa renta sa stalls, Ithiel din ang may kontrol sa bayarin sa kuryente, tubig at iba pang utilities. Kaya't patung-patong ang babayaran ng mga manininda. Nakasaad pati sa kontrata ang taun-taon na pagtaas sa renta ng stall.
Ang temporary market ay nagdulot ng malaking pagkawala ng kita ng mga manininda dahil ang mga suki na may sasakyan ay walang maparadahan kaya't sa halip na mamili sa palengke ay pupunta na lang sa ibang lugar. Kung talagang nais ni mayor na dumaan sa tamang proseso, bakit hindi pa nya ito ipinapatanggal? Ang resolusyon na ginamit nila para dito ay nakabase sa unang resolusyon na nadis-aprub sa Sangguniang Panlalawigan. Kaya't ang resolusyon ay wala nang bisa. Nakaka-abala na rin ito sa mga dumaraang sasakyan lalo na sa malalaking truck na sumasabit sa napakanipis na bubong at mahunang coco lumber.
Napakalaki ng proyekto na ito para pasanin ng mga taga-Cuenca. nasa 70M ang kontrata at napakagarbo ng building na ipapatayo. Aanhin naman ng mga taga-Cuenca ang malaking building kung mataas ang bilihin at walang mamimili?
Hinggil naman sa kaso sa Ombudsman, hindi rin ito ang makakapigil sa proyekto. marahil ay may ilang ginagamit ang issue sa palengke sa pansariling interes kaya ginawa ito.
Napakadaling maniwala at sumang-ayon kung ang sasabihin sa iyo ay ipapagawa at ipapaayos ang palengke ngunit kailangan din nating tanungin kung paano at sa anong paraan.
Hindi tumututol ang mga manininda sa pagpapagawa ng pamilihang bayan ng Cuenca. ang tinutulan lang nila ay ang pagsasapribado nito.
@deng, san naman po nanggaling ang balita nyo na may presyo na sa NPA ang ulo ni mayor? Baka naman sa kamag-anak nyo rin? malamang ay nananakot lamang ang nagbalita nyan dahil sa pagkaalam ko ay hindi gawain ng NPA ang maging hired guns.
Maganda ang maghangad ng pag-unlad ngunit ang pag-unlad ay para kanino? sa proyektong ito ay Ithiel Corporation at iilang gahaman lang ang makikinabang.
Post a Comment